Nga Marsela Lekli, psikologe
Sot eshte dita e gruas, dhe gratë, nënat, vajzta, duhet të protestojne jo të festojnë. Duhet protestuar, të ngrëmë zërin në emer të nënave tona, vajzave tona, motrave tona, dhe të gjithë grave ndaj të cilave sot po u behen padrejtësi! Për punën e tyre të palodhur e të pashpërblyer, ku në vënd të mirnjohjes morën dhunën, dhe vrasjen..
Po dhunohen dhe diskriminohen në mënyrën makabre, po vriten, torturohen dhe askush nuk i parandalon. Askush po askush nuk mori pergjegjësi për kto gra, askush nuk i mbrojti deri sa ranë pre dhunës dhe viktimes.
Ndoshta këto protesta perëndimi i ka njohur shumë vite para, në këtë ditë kur femrat në Amerike dhe në bote kanë protestuar për të drejtat e tyre. Ka ardhur koha ta ndjekim shëmbullin e tyre, ka ardhur koha të luftojmë për të drejtat tona.
Protestat janë një burim frymezimi për të thyer tabute e nënshtrimit! Kam një thirrje për të gjithë gratë sot; luftoni për gjerat që ju takojne! Luftoni për të drejtat tuaja!
Duhet të jemi të gjithë të bashkuara për të luftuar luftën kundër të drejtës së qeverisë së krimit!
E nesërmja i përket Shqipërise dhe Shqiptarëve! Gëzuar ditën e gruas, dhe protestoni! Protestoni për të fituar të drejtën tuaj!!
Forca e gruas është më e forte se vetë pushteti..
