Kryedemokrati Lulzim Basha, vijon takimet me qytetarë, biznese, familjare, duke u njohur nga afër me sfidat e problematik që hasin gjatë punës.
Mëngjesin e sotëm Basha është ndalur tek një biznes në Durrës, ndërsa u shpreh se duhet përkushtim dhe mbështetje për qytetarët që të mos largohen nga Shqipëria, por të gjejnë mundësi për të ndërtuar jetën e tyre në vend.
“Problemi i energjisë mbetet problem kryesor për ekonominë. Kur kemi folur për energjinë kemi folur për ata qytetarë që kanë pamundësi për ta paguar.
Nuk duhet të harrojmë që është jetike për ekonominë. I gjithë programi ynë ekonomik e kthen Shqipërinë në duar e prodhuesve.
Sot energjia vijon të jetë e monopolizuar nga dy korporata të korruptuara deri në palcë.
Unë nuk premtoj që do të bëj gjëra si në Gjermani, por do të bëj ato që bën Maqedonia e Veriut për të mbështetur qytetarin e saj.
Sot Shqipëria ka arritur në këtë pikë sepse kryeministri është ortak me pesë persona dhe kjo situatë mund të zgjidhet me një qeveri që mbështet qytetarin. Turp dhe skandal që në 2021 të punojë me gjenerator”, tha më tej Basha.
