Sulmi me tritol ndaj gazetarit Elidon Nreka në Lezhë, ka sjellë reagime të shumta të të gjithë krahëve të politikës, të cilët e kanë konsideruar sulm ndaj lirisë së shprehjes dhe fjalsë së lirë.
I mënjëhershëm ka qenë dhe reagimi i ish-deputetit lezhian, Eduart Ndocaj, i cili e ka quajtur këtë sulm, “atentat ndaj cdo qytetari të Lezhës”, si dhe ka shprehur shqetësimin e tij ët thellë, se Lezha është një qendër në rritje e kriminalitetit dhe që po shtrin kthetrat në mënyrë të frikshme krimi i organizuar, që ka për qëllim okupimin e këtij qytetit me trashëgimi të hershme historike.
Ndocaj, teksa është solidarizuar me gazetarin Ndreka, të cilin e vlerëson për profesionalizmin dhe përkushtimin e tij në gazetari, ka kërkuar nga organet kompetente zbardhjen e mënjëhershme të ngjarjes si dhe vënien para drejtësisë të autorëve të ngjarjes.
Ndocaj, nuk ka mëdyshje, se sulmi me tritol ndaj gazetarit është për shkak të detyrës, pasi sipas tij, Elidoni ka qenë një zë i qytetarëve, kundër padrejtësive që ndodhin në Lezhë, ndaj dhe falangat e krimit kanë zgjedhur rrugën e tyre të mbylljes së gojës përmes tritolit në banesën e gazetarit.
Rilindjes po i vjen fundi, ndaj dhe krimi i organizuar përmes këtyre metodave synon të frikësojë dhe të godasë cdonjërin që ua prishë “terezinë” këtyre vemjeve të pashpirt, -shprehet kaubojsi në prononcimin e tij.