Ish-deputetja e PD-së, Grida Duma është shprehur sot e bindur se rotacioni politik është i pashmangshëm.
E ftuar në studion e Nws 24, Duma tha se ajo çfarë pritet të ndodhë është një tregues i plotë i forcës dhe afrimit të fitores.
“Ajo çfarë pritet të ndodhë do të jetë një tregues i plotë i forcës, i rotacionit dhe afrimit të fitores.
Për mua rotacioni ka ndodhur. Pa dyshim sondazhet janë mendimi i qytetarëve nga njëra anë, por dhe nga ana tjetër presioni mbi ta. Në mendjen e shqiptarëve rotacioni ka ndodhur. Çfarë mund të ofrojë më Rama? Zero. E vetmja që pritet është të shkojë keq e më keq”-tha ish-deputetja Duma.
Më tej, ajo theksoi se koalicioni opozitar do të investohet fort në ndëshkimin e krimit zgjedhor.
“Ne, koalicioni opozitar do investohemi fort në ndëshkimin e krimit zgjedhor. Duhet të kenë frikë ata që do të mendojnë të bëjnë krime zgjedhore”-theksoi Duma.
