Lionel Messi është i një tjetër planeti. Shifrat flasin për të dhe parmbrëmë ka regjistruar një rekord të ri në futbollin spanjoll, që do duhen shumë vite që të arrihet.
Parmbrëmë, kundër Mallorca, pasi kishte shërbyer për dy prej shokëve të skuadrës që kishin shënuar, në minutat shtesë e dërgoi edhe vetë topin në rrjetë, duke shkuar në kuotën e 20 golave në kampionat.
Këtë shifër Messi e ka arritur që prej sezonit 2008/09 dhe nuk është ndalur, madje ka arritur që brenda një kampionati të shënojë 50 gola. Rekordi i ri i sulmuesit tregon qartazi se Messi është një makineri golash, pasi është i vetmi lojtar, që në 12 sezone radhazi ka shënuar 20 gola e më tepër.
