Studiuesja e mirënjohur, fishtologia dr. Rovena Vata, përmes një postimi në profilin e saj, ka kumtuar për adhururesit e veprës së ‘Homerit Shqiptar’ , iniciativën frymëzuese për ta konsideruar vitin 2020, si “viti fishtjan”, në nder të veprës dhe trashëgimisë letrare të fratit françeskan Gjergj Fishta.
I kosnideruar si apostull i shqiptarizmës, Gjergj Fishta, la një korpus të gjerë krijimtarie, ku nga fjalët e tij, pikonte nektar atdhedashurie.
Studiuesja e mirënjohur, dr. Rovena Vata, ka shfrytëzuar “pelegrinazhin” e saj në truallin e lindjes së poetit të “Lahutës…” për të lançuar idenë e shpalljes së vitit fishtjan.
E shoqëruar nga dashamirës të veprës së Gjergj Fishtës, ndërmjet tyre dhe studiuesi Behar Gjoka, si dhe ish-deputeti Namik Dokle, ky “pelegrinazh” në nderim të figurës dhe kontributit shumëdimensional të Gjergj Fishtës për çështjen kombëtare, vjen në një kontekst të rëndësishëm, pikërisht kur po kërkohet me insistim rivlerësimi dhe moslënia në harresë e këtij vigani të vargut poettik dhe mendimit patriotik.
