reta Thunberg, adoleshentja aktiviste nga Suedia u shpall Personazhi i Vitit 2019 nga revista ‘Time Magazine’. 16-vjeçarja arriti të triumfojë dhe të meritojë faqen e parë të kësaj reviste, e cila që prej vitit 1927 nxjerr në kopertinën e saj një person që ka lënë gjurmë në një vit.
Greta u bë e njohur pasi ka kërkuar ndërhyrje emergjente në lidhje me krizën klimaterike që ka pushtuar globin. Ajo është personazhi më i ri në moshë që është nderuar me këtë titull.
Adoleshentja u lëvdua nga ‘Time’ për fushatën mjedisore që nisi në gusht të 2018-s, e që u kthye në një lëvizje botërore. Aktivistja nuk shkonte në shkollë, protestonte para parlamentit suedez e kërkonte të bëhej diçka për krimet ndaj natyrës.
Në revistë shkruhet se për pak kohë Thunberg ka folur me drejtuesit e Kombeve të Bashkuara, është takuar me Papën dhe ka bërë që mbi 4 milionë njerëz t`i bashkohen protestës se saj në shtator të vitit 2019. Personazhe të tjerë të nominuar për të njëjtin titull ishin Donald Trump dhe Nancy Pelosi, politikane demokrate në Kongres.
