Tryeza Publike “Për Shqiptarët dielli lind në Perëndim”, përpos kundërshtive mbi të ashtuquajturin “Shengeni Ballkanik”, po sjell në vëmendjen e të gjithë shqiptarëve një fokus më të larmishëm debati, ku revokohen fuqishëm aspekte të historisë sonë kombëtare dhe reminishencat e projekteve të tilla që synojnë defaktorizimin e shqiptarëve në rajon dhe rritjen e ndikimit sllav në hapësirën e Ballkanit Perëndimor.
E veçanta e këtyre tryezave është se të rinjtë po luajnë një rol kyç në organizimin e tyre dhe po mbajnë peshën kryesore të debatit publik, duke dhënë një mesazh polivalent, me konotacion patriotik dhe europianist.
Një nga zërat më të fuqishëm të kësaj tryeze, është dhe anëtari i kryesisë së FRPD të Shqipërisë, z. Mariglend Doçi, i cili gjatë emisionit “Ballafaqim” në TV Apollon, ka kundërshtuar me forcë nismën ogurkeqe të dyshes Rama-Vuçiq, për të cilën z. Doçi e ka trajtuar si të shtrirë në kohë, pasi kjo është ëndrra e kahershme e Serbisë, për të realizuar synimet e saj ekspansioniste ndaj Shqipërisë.
Për më shumë le të ndjekim prononcimin e z. Mariglend Doçi, bashkorganizator i tryezës publike “Për shqiptarët dielli lind në Perëndim” :
