Teksa ka përjetuar me një ndjesi të jashtëzakonshme, përshkrimin në Dallas të itinerarit të vrasjes së Presidentit amerikan John F. Kennedy, ish-deputeti karizmatik Eduart Ndocaj, përmes një video të publikuar në youtobe, jep një mesazh të qartë dhe për klasën politike shqiptare, duke u kujtuar politikanëve të korruptuar dhe të lidhur me krimin, se një fund i tillë duhet të ishte rezervuar për këta “baballarë” të kombit shqiptar, që për dekada të tëra po nëpërkëmbin dinjitetin e qytetarëve dhe po zvarritin pafund reformat integruese, të cilat do të ishin perspektiva e afrimit me standardin e vlerave të familjes europiane.
Në video, “kaubojsi” shfaqet emocionalisht i prekur, pasi ndjesia e përshkrimit me xhiro të itinerarit të fundit të njërit prej figurave më me ndikim në politikën botërore të viteve 60, i ngjalli mjaft asosacion me politikën shqiptare, duke paralelizuar me realitetin politik të këtushëm, ku politikanët tanë kridhen në pasuri dhe nuk dhe jetojnë pa asnjë kokëçarje, duke mos u hyrë asnjë “ferrë në këmbë”.
“Shqiptarët, duhet të jenë një popull reagues, ku askush të mos guxojë të nëpërkëmbë dinjitetin e tyre, ku askush të mos guxojë të vjedhë pasuritë dhe paratë e tyre, ku askush të mos mendojë se mund t.i trajtojë si skllevër, pasi me politikanë që duan të shesin copëza të Atdheut, vetëm e vetëm për të mbijetuar në politikë, duhet t.u rezervohet një fat i hidhur”,-përfundoi mesazhin e tij, Eduart Ndocaj.
