Ish-kandidati i pavarur për bashkinë e Lezhës, Eduart Ndocaj përmes një video-mesazhi ku ka uruar zgjedhjen në krye të Këshillit të Qarkut të Lezhës z. Eduart Ndreca, duke e vlerësuar si një intelektual dhe djalë të shkëlqyer me vlera të vecantë për komunitetin, ka shprehhur keqardhen e tij të madhe që një potencial i tillë si z. ndreca do të duhet të qëndrojë i kontrolluar dhe i komanduar nga pushteti dhe banda kriminale e Pjerin Ndreut.
Ndocaj, në këtë video-mesazh të publikuar në profilin e tij facebook, ka vazhduar sërish akuzat ndaj kreut të bashkisë Lezhë, të cilin e konsideron përfaqësimin më të turpshëm të lezhianëve,ndaj të cilit drejtësia duhet të veprojë menjëherë, pasi ai është një individ i me rekorde kriminale dhe i përfshirë në “dosjen 184”, i kapur me përgjime si një individ që shantazhon votues dhe i kërcënon në këmbim të votës.
Gjithashtu, Ndocaj ka komentuar dhe raportin e fundit të OSBE/ODIHR mbi votimet e 30 qershorit, për të cilat ai ka qenë i bindur se do të rrëzoheshin nga monitorimi i kryer nga ky mision ndërkombëtar, pasi batërdia dhe zullumet e bëra nga përfaqësuesit e “rilindjes” më 30 qershor, duke dhunuar cdo standard zgjedhor, nuk mund të certifikoheshin, sepse më 30 qershor është kryer krimi më i rëndë zgjedhor i këtyre tre dekadave.
Ndocaj, është ndalur gjatë në analizën e tij, duke nënvizuar pasojat e komunitteit lezhian nën administrimin e kreut aktual të bashkisë, për të cilin ka vijuar pandërprerë akuzat ndaj tij, si individ me bacground kriminal dhe pa asnjë vizion për perpsektivën reale të Lezhës.
Ndiqeni të plotë video-komunikimin e Ndocaj:
