Pas votimeve moniste që u zhvilluan më 30 qershor për bashkitë e vendit, kryetarët e tyre, kryesisht në ato bashki ku drejtonte e djathta, menjëherë me marrjen e detyrës, kanë filluar me “spastrimet” e administratës.
Siç raportohet pranë InfoPressAlbania, në Bashkinë e Kavajës janë bërë disa largime, duke mos motivuar lëvizjet e tyre, por është e kuptueshme se ato janë me sfond politik.
I tillë është dhe rasti i inspektorit të tatim-taksave pranë kësaj bashkie, Zadush Cira, ndaj të cilit është marrë masa e largimit nga puna pa asnjë shkak apo motivacion.
I kontaktuar nga InfoPressAlbania, ish-inspektori Cira, konfirmoi largimin nga detyra pa asnjë motivacion, dhe pa asnjë procedurë ligjore, por thjeshtë përmes urdhër-largimit të komunikuar.
Zadush Cira, është kryetar i Ballit Kombëtar Demokrat për Kavajën, gjë e cila ka ndikuar në largimin e pamotivuar të tij nga detyra, duke përforcuar bindjen se largimi është tërësisht për motive politike. InfoPressAlbania
