Vajza e Princ William dhe Dukeshës së Kembrixhit, Kate Middleton, ditën e nesërme do të nisë shkollën fillore në ‘St. Thomas’s Battersea’.
Në këtë ditë të rëndësishme dhe të veçantë për Princeshë Charlotte, ajo do të shoqërohet nga dy prindërit e saj dhe i vëllai.
Middleton dhe William kanë marrë një vendim të rëndësishëm, ku për të mos e diferencuar nga shokët dhe shoqet, vajza do të ketë një emër të ri, i cili e bën të ndihet njësoj me fëmijët e tjerë të shkollës.
Emri i saj i plotë është Charlotte Elizabeth Diana dhe njihet me titullin e princeshës, megjithatë e vogla nuk do ta përdorë këtë pjesë në shkollë. Ajo do të njihet nga të gjithë si Charlotte Cambridge pa titullin dhe emrat pasardhës.
Sipas burimeve për ‘Cosmopolitan’, ky gjest është vlerësuar nga të gjithë dhe thuhet se u bë për të mirën e vogëlushes.
