Nga, Drita Lamaj
Shoqërisë tonë i nevojitet një elitë njerezish , për të deshifruar prirjet e fshehta dhe shkatërruese të udhëheqësve, ose përfaqësuesve jo të përgjegjshëm, nisur nga nivelet e ulëta deri në nivelet më të larta të organizimit shoqëror.
Kjo iniciativë shoqërore, të mos merret si një tendencë për të diagnostikuar gjendjen e tyre mendore ose shpirtërore sa për sport, por për të filtruar kapacitetet e tyre dhe për të identifikuar prapavijën dinjitoze ose jodinjitoze të qëllimeve të tyre, të cilat nëse hetohen me kohë dhe në mënyrën e duhur, shoqëria nuk e pëson me regresion, dhe, zhvillimi i mëtejshëm do të jetë prezent, i dukshëm dhe i prekshëm për qytetarët.
Në shoqëritë e zhvilluara, një kandidat i mundshëm, për të përfaqësuar një shumicë njerëzish në të drejtat dhe interesat e tyre, vëzhgohet, analizohet dhe kritikohet hapur dhe me argumente të arsyeshme, me qëllim që të sigurohet një përfaqësim i denjë, ndërsa në shoqërinë tonë, gati se hapësirë i jepet çdo kujt që shpreh interesim dhe guxim të na përfaqësojë, pavarësisht se po i njëjti nuk zotëron përgatitjen e duhur intelektuale dhe profesionale dhe përvojën e duhur në shërbim të bashkësisë.
Madje, disa nga ata kanë aftësi të kufizuara, vlera të mangëta dhe interesa të ngushta personale, gjë që në vazhdimësi acaron ndjenjat e qytetarëve në heshtje. Pra, para se të lejojmë çdo njeri të rastësishëm, të bëhet faktor dhe të na përfaqësojë, te mbushi portalet me zerin ” tone ” duhet të dime formimin , te shkuaren ,dhe interesat.
Mendoj se ka ardhur koha te abandonojme, jo ti promovojme keta ” haleniste ” interesash.
