Ditët para pushimeve janë plot impenjime dhe gjëra që duhet të bësh gati për të marrë me vete. Kështu punës së përditshme në këto ditë i shtohet dhe nevoja për të bërë gati valixhet, sistemimi i shtëpisë etj.
Më poshtë keni disa këshilla të nevojshme për të mos u përfshirë nga paniku para nisjes se mund të harroni diçka.
LISTA
Kjo është një procedurë që e ndjekin pilotët e avionëve para se të nisen. Dhe pse zakonisht mund ti besojmë kujtesës, duhet ti dedikojmë disa minuta listës së gjërave që kemi për të bërë, dhe para se të nisesh i hedh një sy të fundit për të parë nëse ke harruar diçka. Kështu shmangni ankthin që do ju krijohet.
NE SHTEPI
Nuk duhet të lëmë gjëra për kur të kthehemi në shtëpi, kështu që lajini të gjitha rrobat e palara, dhe me këtë kohë të nxehtë sigurisht që thahen shpejt, dhe i vendosim nëpër vende. Gjithashtu nëpër vende vendosni edhe objektet që ju bëjnë rrëmujën nëpër shtëpi. Para se të niseni duhet të zbrazni dhe të lani edhe frigoriferin e më pas edhe shtëpinë duke lënë gjithçka në rregull për kur të ktheheni.
NE ZYRE
Postën elektronike lëreni në rregull dhe me mesazhe të palexuara, ndërkohë që eliminoni të gjitha ato që nuk ju duhen. Kështu do të keni një punë më pak kur të ktheheni nga pushimet e të lexoni më lehtësisht mesazhet e reja. Një ide e mirë është të lini një përgjigje automatike ku thoni dhe periudhën që do të jeni me pushime.
BUROKRACIA
Para se të niseni nuk duhet të lini as fatura të papaguara apo skadenca datash që më pas do ju shtohen me kamatë. Nëse dikush ka diçka urgjente, mund të lini numrin e telefonit në një vend të dukshëm në derën e shtëpisë, ndërkohë që një ide e mirë është të lini çelësat tek një njeri i besuar apo fqinj i juaji. Para se të niseni vlen gjithmonë rregulli i artë, të ulni automatin e energjisë elektrike, vetëm nëse e keni frigoriferin plot me ushqim. Mbyllni dritaret dhe rubinetat për të përjashtuar ndonjë rrezik të mundshëm.
VALIXHET
Të mos e lëmë këtë detyrë vetëm për mbrëmjen para se të nisemi. Të paktën një javë para, bëjmë një listë të gjërave që na duhet të marrim me vete dhe i shohim nëse i kemi të lara dhe të hekurosura.
