Nga, Sokol Jeshili/
Sjell ndermend faktin qe nje mikut tim ia plotesoi bashkeshortja CV-ne, si nje nga kriteret e aplikimit per nje pozicion pune, leximin me pas te se ciles, ai vete, e shoqeroi me pyetjen ne habitore: “Te jem une ky?!”.
Ma ndermendi kete episod te nje kohe te shkuar CV-a e Reformes ne drejtesi, “bashkeshorte” te se ciles jane bere nje numer i pacaktuar personash – te gjithe qe kane dashur, te cilet duket sikur kane vendosur te shkruajne me aq siguri per te, sa te jepet ideja qe, ajo çka pritet te ndodhe, ka ndodhur tashme.
Ne ndryshim nga modeli i zakonshem i jeteshkrimit, rasti i Reformes ne drejtesi ka njohur edhe dimensione te tjera, perveç atij ne te shkruar. Eshte percjelle edhe me gjuhe shenjash konvencionale, duke dhene idene qe nje peshore, nenkupton ate; nje tabele detyruese “STOP”, nenkupton ate; dy duar te qasura me njera-tjetren ne nyje, te kujtojne ate; nje “gisht avokator” i ngritur lart dhe nje dore qe rregullon syzet, po aq shfaqin tipare te saj etj.
Mirepo, ne permasa te jashtezakonshme prezantohet Reforma, sidomos ne variantin e zeshem: ne çdo emision televiziv ftohet te vije ajo me tiparet e asaj qe i frikeson te gjithe, perveç thirresit qe e ka zene ne goje, madje kete te fundit, perkundrazi, e ndihmon ne çdo rast, duke ia bere te qelluar e “te drejte” debatin, pavaresisht se kush eshte ky, mjaft te kete radhen per te folur. Ndodh, gjithashtu, ndonjehere te zihet ne goje njeheresh nga te dy palet kundershtare – debatuese te forta, raste keto kur e shkreta Reforme s’di kujt t’ia prishe e kujt t’ia ndreq’.
Edhe ne seancat parlamentare i thirret vrazhde emri, duke i shkuar gervima e zeshme deri atje ku ajo “fle”. E sigurisht, nuk mund te jete e munguar edhe ne tavolina shqiptaresh, qe teksa e kthejne dhe nga nje gote, çirren dhe debatojne per te.
Pra, pare paksa me larg, per kete shkak: edhe me qarte, e gjithe panorama e Reformes, apo CV-a e saj, na prezanton me nje gje kaq te larmishme dhe kaq te te pabesueshme, e cila, per shkak te kontekstit, ne te cilin prezantohet dhe thirret, sikur eshte atyperaty e te gjitheve dhe, kunder te gjitheve, madje, kunder dhe vete asaj…
U kuptua qe te shumeperfolures Reforme, te gjitha palet i veshen tiparet qe deshen, me qellim qe ta trembin tjetrin, sikurse gogoli apo kuçedra femijen e vogel, tipare keto, te cilat po ashtu u bene te dukshme dhe per vete ate, qe me gjase, po i trembet Reformes.
