Nga, Mirela Karabina
E zezë do të jetë kjo ditë në historinë tonë, pas tri dekadash, dhunshëm, shqiptarët detyrohen të votojnë kundër vullneti të tyre.
Duket si një nga ëndrrat tona të tmerrshme, por, fatkeqësisht, është e vërtetë.
Por, nuk kishte si të ndodhte ndryshe. Ky regjim duhet ta kishte këtë epilog: dhunim, shpërfillje, zhbërje të individit në një farsë elektorale.
Pra, ky pushtet që ka instaluar një regjim të kamfluar si demokraci, sot u zhvesh lakuriq. Para syve të gjithë botës po shfaqet ashtu siç është, regjim mopartiak diktatorial.
Sot shqipatrët nuk zgjedhin, por votojnë, si në kohën e zezë të Partisë së Punës.
Dhe kjo ndodh në shekullin e 21, në vitin 2019, në një vend që aderon për t’u futur në famijen e madhe Europiane.
E trishtë deri në dhimbje!
Në mënyrë të dhunshme dhe mjerane, pushteti detyron qytetarët e tij të votojnë duke i shantazhuar me të vetmin burim financiar, vendin e punës.
Pa lirinë ekonomike qytetarët e kanë të vështirë mbijetesën. Dhe pushteti e di këtë, ndaj i shtyp dhe shantazhon qytetarët e tij.
Por nuk mjafton, dëshiron t’i turpërojë ata, po u nxin gishtin, por po u njollos fytytën përgjithmonë përballë shoqërisë, pasi me pahir po i bën pjesë të instalimit të dikaturës, po i përdor në në mënyrën më të keqe të mundshme, pasi ai e di që ky proces do të shpallet i pavlefshëm sepse është i paligjshëm.
Por ditët e agonisë së këtij pushteti qenkan të tmerrshme, kafshon çfarë i del para
Pavarësisht, qytetarët shqiptarë duhet të tregojë pjekurinë e tyre, duhet të tregojë që ata jane europianë, që ata duan një jetë më të mirë për veten e tyre, fëmijët e tyre dhe familjen, që ata duan një Shqipëri si gjithë Europa.
Dhe këtë do ta arrijnë jo duke u shtypur, jo duke u shantazhaur, jo duke humbur lirinë.
Pasi, pa lirinë nuk mund të jene më individë, por vetëm objekte në duart e pushtetit.
Ndaj të dashur miq e kolegë, mos pranoni shtypjen, mos humbisni të shtrenjtët liri, mos lejoni përdhosjen e integritetit tuaj moral!
Mos u bëni pjesë e instalimit të dikaturës!
Ky pushtet i ka ditët e numëruara, tashmë !
30 Qershor 2019.
