Ish-deputeti i Partisë Socialiste, Eduart Ndocaj mendon se vendimi i opozitës për të djegur mandatet është një tjetër lojë politike pasi sipas tij, Rama është mësuar të qeveris edhe pa opozitën.
“Mendoj se djegia e mandateve është një lojë politike, ka muaj që opozita nuk është në Parlament. Mazhoranca është mësuar të qeverisë pa opozitën. Ka ardhur koha t’ju hapen dokumentet, si janë pasuruar, si kanë vrarë, si kanë vjedhur, si kanë shitur detin”.
Sipas Ndocajt mandatet duhej të ishin djegur me kohë, por meqënësie populli nuk i detyroi dot ta bënin, sipas tij ata ia bënë vetes dhe akuzoi Partinë Demokratike si patericë të qeverisë.
“Mandatet duhej të ishin djegur me kohë, meqenëse nuk i detyruan dot shqiptarët që ti linin mandatet, këta ja bënë vetes. Qeveria aktuale është jashtë çdo lloj konteksti për të qeverisur. Kjo qeveri është në fazën e rrëzimit por s’ka kush e shtyn për ta shembur. Deri sot opozita ka qenë patericë e mazhorancës”, – deklaroi Ndocaj.
Sipas Ndocajt, Partia Demokratike kërkon bashkëqeverisje ndërkohë që Shqipërisë i duhet një qeveri anti-mafia, duke argumentuar se dikush duhet të mbajë përgjegjësi për situtën në të cilën ndodhet vendi dhe përgjegjës ish-deputeti bën klasën politike në tërësi.
