Përmes një videokomunikimi të publikuar në profilin e tij facebook, kreu i PBDKSH-së, Eduart Ndocaj ka ritheksuar imazhin dhe popullaritetin degradues të kryeministrit Rama, i cili tashmë ngjason me figurën popullore të dordolecit që mundohet të trembë ata që i ngrihen kundër.
Ndocaj është shfaqur i sinqertë sot, teksa ka demonstruar një lloj ndjese publike për mbështetjen që i dha më 2013-n këtij ‘psikopati’, siç e cilësoi ai, pasi ne nuk i morëm seriozisht, por si shaka thënien e Fatos nanos, i cili në atë kohë thoshte se e mora me thonj të paprerë nga Parisi, për ta sjellë këtu dhe për ta bërë ministër kulture, ndaj dhe të gjithë ne jemi të trishtuar për mbështetjen që i dhamë një individi me çrregullime mendore.
Ky njeri është përgjegjës për transformimin e parlamentit si institucioni bazik i demokracisë në një çerdhe hajdutësh, kriminelësh dhe trafikantësh, të cilët e kanë dëmtuar rëndë imazhin e Shqipërisë në raport me vlerat europiane dhe parimet e demokracisë.
Gjithashtu, Ndocaj ka mbajtur një qëndrim koherent në lidhje me protestën e studentëve, për të cilën ai pohoi, se kjo lëvizje erdhi si një shpresë duke ngrohur zemrat e shqiptarëve, të cilët shohin tek klasa aktuale politike zhgënjimin dhe mungesën e shpresës. Ndaj, Ndocaj, përmes kësaj video apelo studentët të vazhdojnë dhe të mos tërhiqen nga kauza e tyre, sepse me studentët janë e gjithë Shqipëria. Këta të rinj që ngritën peshë ndjenjën e revoltës tek shqiptarët e zhgënjyer, duhet të ftojnë të gjithë qytetarët tu bashkohen, duke filluar me banorët e’ Astirit’, të cilëve babëzia qeveriare po u vjedh pronën; të ftojnë qytetarët e Lezhës, të cilët ndjehen të diskriminuar, ku vuajnë mungesën e energjisë elektrike në mënyrë të pashpjegueshme, si dhe çdo kategori tjetër sociale, që me politikat e keqqeverisjes iu është ngushtuar ‘laku në fyt’.
Asnjë negociatë me këtë qeveri pa realizuar kërkesat tuaja të dashur studentë, do të përfundonte videokomunikimin e tij, kreu i PBDKSH, Eduart Ndocaj.
Ndiqeni të plotë:
https://www.facebook.com/eduart.ndocaj/videos/194761741479326/
