Deputeti demokrat Luçiano Boçi, përmes rrjeteve sociale ka denoncuar miratimin e lejes së dhënë nga qeveria shqiptare, përmes VKM së saj, nr. 05, datë 27.04.2018 për ndërtimin e një dige në kanionin e Holtës.
Këtë peshqesh, -shkruan deputeti demokrat në shënimin e tij, -ia ka bërë “dhuratë” Gramshit, deputeti dikur i zonës, ministri i sotëm Damian Gjiknuri, i cili dikur premtonte që do ta kthente zonën, për shkak të bukurisë së rrallë natyrore, në destinacion turistik!?
Kjo bukur epike e natyrës shqiptare, me ndërtimin e kësaj dige, po shfrytëzohet për interesa të ulëta financiare, duke ngjallur një reagim dhe revoltë të gjerë tek komuniteti i kësaj zone, i cili kërkon anullimin e menjëhershëm të këtij vendimi klientelist.
Ja reagimi i plotë i deputetit Boçi:
Ndërtimi i një dige në kanionin e Holtës në bashkinë Gramsh, një ndër bukuritë epike të natyrës shqiptare, ka revoltuar komunitetin e kësaj zone.
“Dhuratën” ia ka bë peshqesh Gramshit, deputeti dikur i zonës, ministri i sotëm Damian
Gjiknuri, i cili dikur premtonte që do ta kthente zonën, për shkak të bukurisë së rrallë natyrore, në destinacion turistik!?
Sot ai po ekzekuton me një firmë të vogël, për interesa të ulta financiare atë që Zoti ja ka falë Gramshit me zemër të madhe.
Vendimi është marrë pa asnjë konsultim publik, asnjë kriter natyror e turistik.
Përpos turp, një vendim i tillë vjen era klientelizëm e korrupsion.
Ai është i papranuesHëm dhe duhet të anullohet.
