Zëdhënësja e PD, Ina Zhupa ka risjellë edhe një herë në vëmendje pamjet nga ceremonia e inaugurimit të ‘Shqiponjës’ në hyrje të Tiranës, në kuadër të 100-vjetorit të Pavarësisë.
Ajo ironizon qëndrimet e kryeministrit Edi Rama pas heqjes së memorialit, i cili e cilësoi një “vulgaritet në piedestal”, ndërsa replikon me kreun e PD, Lulzim Basha.
“Disa zgjedhin të nderojnë simbolet kombëtare, ndërsa disa zgjedhin t’i shkulnin dhe t’i quajnë vulgare.
Disa zgjedhin të mbledhin bashkë shqiptarinë për të lartësuar historinë dhe simbolet, ndërsa disa zgjedhin të mbledhin bashkë oligarkët e të shkatërrojnë historinë, të urrejnë simbolet dhe të lartësojnë kullat që ju mbushin xhepat. Zgjedhja e madhe ju takon shqiptarëve”, shkruan Zhupa, ndërsa risjell edhe një herë në vëmendjen e shqiptarëve momentin e inaugurimit të monumentit të ‘Shqiponjës’.
https://www.facebook.com/UETUET2/videos/2627789277247818/
