Drejtuesi Politik i PD për Qarkun e Tiranës, Belind Këlliçi, i ka bërë një kërkesë SPAK-ut për kryebashkiakun e arrestuar, Erion Veliaj.
I ftuar në “Kafe Shqeto” në Syri Tv, Këlliçi kërkoi që SPAK të ngrejë një task-forcë për të hetuar aferat abuzive që Veliaj ka kryer me inceneratorin e Tiranës.
Sipas demokratit, Veliaj po shkon para drejtësisë si kriminel për disa shpenzime, kur në fakt vjedhja në Tiranë janë dhjetëra milionë euro të marra nga Bashkia e Tiranës.
“Rama-Veliaj janë një, është gënjeshtër që i bie në qafë prokurorit, as nuk e di se kush është, as gjyqtari. Po kam parë që është i njëjti gjyqtar që i ka dhënë pafajësi 3 herë Veliajt. Shortin gjyqësor për atë lapsusin që thotë, e ka Ministria e Drejtëisë. Aty nis me një gënjeshtër, për t’u viktimizuar. Ky njeri po tolerohet sërish, prokurori Dado apo SPAK, duhet të ngrejë një taskforcë që të hetohet kreu i 5D për incineratoruin e Tiranës, kemi çuar dokumente e komunikime ekskluzive që faktojnë lidhjen e Veliajt me grupin e strukuturar kriminal të incineratorit, e këtu po e tolerojnë Veliajn. Veliaj po shkon para drejtësisë si kriminel për disa shpenzime, kur në fakt vjedhja dhe abuzimi në Tiranë janë dhjetëra milionë euro të marra nga Bashkia e Tiranës. Janë edhe për këta pseudo artistët dhe sportistët që kanë marrë para e janë financuar nga Bashkia e Tiranës e dalin e protestojnë para drejtësisë, që për herë të parë po godasin zyrtarët pa regji”, deklaroi Këlliçi.
