Shpetim Axhami, kryetar i Partidë Lëvizja e Legalitetit
Tiranë, 21 Nëntor 1943
Legaliteti lindi si një domosdoshmëri kombëtare e kohës duke përfaqësuar vlera të larta politike edhe sot !
Më 21 Nëntor 1943, nën drejtimin e gjeneral Abaz Kupit, u krijua Organizata Kombëtare Lëvizja e Legalitetit (OKLL), e cila sot njihet si Partia Lëvizja e Legalitetit (PLL). Ky riorganizim i rëndësishëm, frymëzuar nga ideali i “Triumfit të Legalitetit” të vitit 1924, përfaqësonte një domosdoshmëri historike përballë rrethanave dramatike të Luftës së Dytë Botërore dhe interesave kombëtare.
Pas pushtimit fashist të 7 Prillit 1939, institucionet shtetërore shqiptare humbën legjitimitetin, ndërsa Mbreti Zog, si shumë mbretlr të tjerë, me vendim parlamenti, u detyrua të largohej nga vendi, si shumë monarkë të tjerë europianë. Në mërgim, ai vazhdoi veprimtarinë shtetërore, ndërsa zogistët brenda vendit, nën drejtimin e Abaz Kupit dhe patriotëve të tjerë, morën pjesë aktive në luftën kundër pushtuesve.
Pjesëmarrja në luftën kundër pushtuesve
Rezistenca zogiste u shfaq qartë që në fillimet e pushtimit. Gjeneral Abaz Kupi, një prej liderëve kryesorë të kësaj rezistence, përfaqësoi zogistët në Konferencën e Pezës dhe luajti një rol të rëndësishëm në thirrjen e Konferencës së Mukjes në gusht të vitit 1943. Marrëveshja e Mukjes, e cila synonte bashkimin e forcave nacionaliste për çlirimin e vendit dhe mbrojtjen e interesave kombëtare, u sabotua në shtator 1943 nga udhëheqja e Partisë Komuniste Shqiptare (PKSH) me ndërhyrjen e misionarëve jugosllavë, duke nxitur ndarjen e forcave shqiptare dhe nisjen e luftës civile.
Abaz Kupi, duke refuzuar çdo përpjekje për vëllavrasje, shpalli më 21 Nëntor 1943 krijimin e OKLL-së në Kuvendin Kombëtar të Zogistëve në Zall-Herr, Tiranë. Ky formacion u krijua për të vijuar luftën kundër okupatorëve dhe për të mbrojtur interesat kombëtare pa u përfshirë në luftën për pushtet.
Ndër intelektual dhe patriot të tjerë në kuvendin e patë të zogistëve ishin edhe.
Xhemal Naipi, Lekë Luli, Gaqo Goga, Osman Myderrizi, Mulë Delia, Hysen Meça. Xhemal Herri (tek shtëpia e të cilit u mbajt ky kuvend Zef Çoba
Av.Selim Damani, Major Murat Basha, Rauf Fico etj
Programi dhe vizioni i OKLL-së
- Lufta kundër pushtuesve: OKLL deklaroi vazhdimin e luftës deri në çlirimin e plotë të vendit, duke bashkuar forcat kundër okupatorëve, pavarësisht dallimeve ideologjike.
- Rikthimi i ligjshmërisë: Organizata mbështeste rikthimin e regjimit të ligjshëm të para 7 Prillit 1939 dhe monarkisë së Mbretit Zog si simbol i legalitetit kombëtar.
- Çështja kombëtare: Legaliteti kërkonte çlirimin dhe bashkimin e Kosovës, Çamërisë dhe trojeve të tjera shqiptare.
- Marrëdhëniet ndërkombëtare: OKLL ishte e bindur se e ardhmja e Shqipërisë varej nga aleatët perëndimorë, të cilët garantonin interesat kombëtare.
Lufta dhe përndjekja
Formacioni politik dhe ushtarak i OKLL-së luftoi deri në fund të Luftës së Dytë Botërore. Pas tërheqjes së Gjermanisë, me fillimin e spastrimet politike nga regjimi komunist, Abaz Kupi dhe drejtues të tjerë zogistë u detyruan të largoheshin nga vendi për të shmangur gjakderdhjen mes shqiptarëve.
Legaliteti në mërgim dhe pas pluralizmit
Në mërgim, OKLL vijoi aktivitetin e saj politik, duke punuar për rrëzimin e regjimit komunist, bashkimin kombëtar dhe rikthimin e monarkisë. Pas viteve 1990, me rikthimin e pluralizmit politik, aktiviteti i PLL-së u përqendrua në Tiranë. Partia ka mbetur e përkushtuar ndaj interesave kombëtare, duke shmangur fenomenet negative të politikës së tranzicionit.
Sot, Partia Lëvizja e Legalitetit vazhdon të mbrojë lart idealin e legjitimitetit, mbështetur tek shteti i së drejtës me bazë pronën private me një familje të fortë e shoqëri të shëndoshë, si vlera të domosdoshme për stabilitetin dhe të ardhmen e kombit shqiptar të bashkuar nën kurorën mbretërore.
Ajo vazhdon punën organizative me të gjitha strukturat dhe forumet e saj në të gjithë vendin, mbështetur në një program të saj të qartë zhvillimi dhe integrimi për Shqipërinë.
Sot gjithashtu PLL është një prej partive parlamentare në vend dhe ka një përfaqësim të saj në pothuajse 50% të këshillave bashkiak në rang vendi.
Në këto momente ajo po pregatitet për një përfaqësim dinjitoz për në zgjedhjet parlamentare të vitit 2025.
“Atdheu Mbi Të Gjitha”🇦🇱
Tiranë, 21 Nëntor 2024
