Përfaqësues të Partisë së Lirisë janë mbledhur sot përpara Gjykatës së Posaçme Antikorrupsion, ku pritet të jepet masa e sigurisë ndaj ish-presidentit Ilir Meta.
Ka qenë Zëvendëssekretarja e Partisë së Lirisë, Silva Caka, tha se organizimi i mbështetësve të Metës përpara gjykatës nuk është bërë nga strukturat e Partisë së Lirisë, por ka qenë një veprim vullnetar i gjithsecilit për të shprehur mbështetjen ndaj Ilir Metës.
“Ka qenë një kërkesë e zotit Meta që të mos kishte një organizim përpara SPAK-ut. Kjo është një vullnet i secilit prej nesh dhe nuk ka ndonjë organizim nga Partia e Lirisë,” tha Caka.
Ajo u ndal gjithashtu te arrestimi i ish-presidentit, duke e cilësuar atë si një veprim banditesk dhe një shkelje të të drejtave të njeriut.
“Është shumë e qartë që nuk ishte një mënyrë arrestimi, por një tentativë rrëmbimi që, fatmirësisht, nuk pati pasoja më të rënda. Skenari nuk ishte i tillë, dhe ju besoj e keni të qartë. Është shumë e kuptueshme mënyra si duhet të shoqërohet një ish-president; ta arrestosh në atë mënyrë, pa logo policie, pa uniforma dhe pa një urdhër-arresti, është një shkelje e hapur e lirive themelore të të drejtave të njeriut”, u shpreh Caka.
