Pandeli Majko është personazh i veçantë i politikes shqiptare. I ftuar nga A2 news ai foli hapur se situata politike është e paprecedentë e nuk mund të sillemi si PS sikur nuk ka ndodhur asgjë. Ai tha se nuk mund të zëvëndësohet opozita tradicionale me “ca deputetë që mund ti kemi blerë” (!).
“Parashikimi sot nuk ekziston, sepse nuk ka ekzistuar në një vend evropian diçka e tillë. Jemi në atë momentin kur çifti ndahet dhe njëri nga prej tyre thotë se do t’i vej flakën gjysmës së shtëpisë”- tha Majko.
Ministri Majko kundërshtoi kryeministrin Rama kur flitet për deputetët që kanë pranuar të hyjnë në Kuvend, pas djegies së mandatëve prej atyre që ishin në parlament. Rama tha këtë të martë se “PS do të negociojë me opozitën e re” për bërjen e Kodit Zgjedhor. Por ministri Majko nuk ndan të njëjtin mendim me kryeministrin. Bile e kundërshton fort. Majko tha se “nëse do të negociojmë, nuk do të negociojmë me të rinjtë , por me liderët e partive”.
I pyetur për termin e përdorur nga kryeministri “opozitë e re”, pra për deputetët që pranuan të marrin mandatin e deputetit nga lista e LSI dhe PD, ish-kryeministrit shtoi me humor se “ata nuk janë opozitë, se ne i kemi blerë”!
Togfjalëshi “i kemi blerë”, ndonëse i thënë si me humor, por mbarte një të vertetë të madhe. Flitet se këto ditë që të marrin mandatin e deputetit, PS-ja me anë njerëzve të biznesit, paguan deri në 300 mijë euro në dorë.
Ndaj ministri Majko e theksoi fort togfjalëshin duke lenë të kuptohet, me anë të ironisë së tij, se mazhoranca nuk mund të negociojë me deputetët e futur si “deputetë tradhtarë”, sepse nuk kanë mandat politik.
