Kryedemokrati Sali Berisha u ndal mbrëmjen e djeshme nga tubimi qytetar te takimi që do të zhvillojë kryeministrit Rama në samitin e NATO-s në SHBA.
SIpas Berishës, cilindo që të takojë, Rama do ketë një takim dhe ballafaqimedhe me McGonigalin e tij.
Berisha: Çfarë mund të bëjë më tepër ky se sa të korruptojë shefin e kundërzbulimit të FBI për Nju Jorkun dhe sot i pafytyri niset për në Nju Jork, për në Uashington për të marrë pjesë në samitin e NATO-s.
Ai ulet aty si kryeministri i damkosur për korrupsion.
Si njeriu që i ka korruptuar njërit nga njerëzit më të besuar në SHBA.
Cilindo që të takojë, ju garantoj se një takim dhe ballafaqim e pret edhe me McGonigalin e tij.
Po, po!
Nuk është Amerika vetëm e Xhorxh Sorosit dhe mafies së tij.
Amerika është e ligjit dhe e vlerave dhe Amerika nuk mund të mposhtet kurrë nga një mafie e pashpirt që bëhet parzmore e njeriut që i rekrutoi, i korruptoi një nga personat më kryesorë për mbrojtjen e saj.
