Mbrëmja e djeshme e spektaklit të “Big Brother Vip Albania 3” ishte e mbushur me surpriza dhe të papritura.
Nga televotimi i javës, i përcaktuar nga Franceska me “kuti pandore”, ishte Roza Lati, ajo që la përfundimisht shtëpinë e BBV dhe ndërpreu garën për çmimin 100 mijë eurosh. Ajo ishte pjesë e shtëpisë që prej ditës së parë të këtij edicioni, teksa në televotim ishte me Heidin, Erjolën dhe Franceskën.
Ndërkohë, pati dhe një të eliminuar të dytë. Nga një televotim i hapur brenda natës, ishte Erjola Doçi ajo e cila u eliminua, teksa nuk kishte as biletë fati, duke ia hequr mundësinë për ta rikthyer sërish.
Erjola ka qenë pjesë e këtij rrugëtimi për 110 ditë dhe është përfshirë në shumë ngjarje brenda shtëpisë. Rishtazi, ajo pati një debat të ashpër me Gracianon, mikun e saj, i cili supozoi se Erjolës i kishte shkruar në rrjetet sociale Romeo. Ajo e mohoi kategorikisht, por debati mes tyre vijoi për disa ditë.
Moderatorja ka qenë një ndër kryefjalët e kësaj gare dhe ka ndezur shumë debate dhe polemika, brenda dhe jashtë shtëpisë.
Erjola, njëjtë si Roza, u largua nga shtëpia e “BBV-së” dy javë para finales.
Ndërkohë, Julin dhe Meritonin, të cilët bashkë me Romeon fituan sfidën me kafenë, i priste një përparësi. Dy lojtarët, do të jenë në televotim kokë më kokë, ku njëri prej tyre do të jetë finalisiti i dytë, që do të shpallet gjatë spektaklit të së martës.
Pasi iu komunikua vendimi i Vëllait të Madh, Meritoni dhe Juli e kanë pritur me pozitivitet këtë vendim. Që të dy shprehën vlerësimin për kohën që kanë kaluar brenda shtëpisë.
Juli: Kushdo prej nesh që zgjidhet, do më bëhej qejfi.
Meritoni: Uroj që publiku të zgjedhë atë që mendon se duhet të shkojë.
Deri më tani është shpallur finalist vetëm Romeo, ndërkohë të martën do të merret vesh edhe finalisti i dytë i këtij edicioni.
