Shpërthimi ndodhi rreth orës 15:00 në një hidrocentral në pellgun artificial të Suviana, në Apeninet e Bolognese.
Bilanci: 3 të vdekur, 3 të djegur rëndë dhe 6 të zhdukur. Kërkimet janë duke u kryer nga policia dhe zjarrfikëset. Aksidenti ka ndodhur nën nivelin e ujit: ka shumë tym dhe zjarrfikësit po përpiqen të hyjnë në ambjentet e brendshme.
“Për të ofruar ndihmë duhet shikueshmëri dhe temperatura të ulëta”, shpjegoi komandanti i zjarrfikësve të Bolonjës Calogero Turturici. “Kur të arrijmë në nivelin e aksidentit do ta kuptojmë më mirë. Edhe pasi të kontaktojmë me menaxherin e uzinës Enel”, shtoi ai.
Zjarri mesa duket ka rënë në katin e 9-të, ku ndodhen transformatorët. Për momentin është e pamundur të hipotezohen shkaqet e aksidentit, për të cilin do të jenë thelbësore dëshmitë e atyre që ndodheshin në vendngjarje. Gjithçka aktualisht është e zhytur në ujë, operacionet e shpëtimit nuk janë të mundura, aq më pak inspektimet për të kuptuar se çfarë ka ndodhur.
Enel Green Power, kompania Enel Group që merret me zhvillimin dhe menaxhimin e aktiviteteve të gjenerimit të energjisë nga burimet e rinovueshme, njofton se “ka aktivizuar menjëherë të gjitha masat e nevojshme të sigurisë sipas procedurave të brendshme për të garantuar kryerjen korrekte të procedurave të evakuimit për të mbrojtur personelin e saj”. Enel, thuhet, “është në kontakt dhe koordinim të ngushtë me zjarrfikësit dhe autoritetet kompetente”.
