Xhensila Myrtezaj dhe Bes Kallaku, teksa prej kohësh përflitet për një ndarje të mundshme mes tyre, me heshtjen e gjatë vijojnë të shtojnë kureshtjen e publikut.
Së fundmi në rrjet flitet edhe për nisjen zyrtarisht të procedurave të divorcit, madje ka të tjerë që thonë se kjo kërkesë është bërë nga çifti për shkak se duan të shpëtojnë pasurinë e tyre.
E ftuar në ‘Wake Up’, avokatja Nexhi Beqiri tha se në të vërtetë nuk ka asnjë kërkesë padie në gjykatë për ndarje.
“Flitet por akoma s’ka një kërkesë padie në gjykatë. Mund të ndodhë që mund të jenë fjalë. Ndonjëherë e bëjnë edhe për zhurmë për të tërhequr vëmendjen. Mund të jetë dhe ajo e vërteta që duan t’i shpëtojnë një hetimi pasuror. E para nëse është një pasuri që është vënë kur je bashkë nuk i shpëton dot”-tha avokatja.
