Në vijim të fushatës së tij në mbështetje të kandidatëve të “primareve”, Eduart Ndocaj ka lëshuar një thirrje të fortë për zgjedhësit e Mirditës, duke u kërkuar votën për Albert Mëlyshin, si vlerën më përfaqësuese të tyre.
Këtë thirrje ish-deputeti e ka bërë në profilin e tij facebook, ndërsa thekson se të gjithë bashkë duhet të mblidhemi për të bërë fitues Albert Mëlyshin, pasi kështu rikthejmë shpresën dhe dinjitetin për këtë krahinë fisnike.
Mesazhi i plotë:
Vëllezër dhe motra mirditorë! Më 14 maj keni rastin historik për të shporrur njëherë e përgjithmonë farën e keqe të rilindjes politike, e cila prej 10 vitesh ka nënshtruar shqiptarët dhe po zhbën vlerat e identitetit tonë kombëtar. Mirdita, kjo krahinë emblematike, që nuk u nënshtrua nga pushtuesit osmanë por u shndërrua në simbolin e papërkulshmërisë, sot është në duart e një grupi hajdutësh, që vjedhin pasuritë dhe djersën tuaj. Bashkërisht, le të mblidhemi rreth djalit vizionar Albert Mëlyshi dhe t’i rikthejmë dinjitetin Mirditës dhe mirditorëve! 14 Maji nuk është thjeshtë garë elektorale, pasi paratë e pista të narkoshtetit nuk lejojnë të zhvillohet një qasje programore, por bashkërisht kemi forcën dhe kurajon për të përzënë këtë klikë drejtuese që nuk i lidh asgjë me vlerat e qytetaruaë dhe të shqiptarisë! Mirditës po i jepet një mundësi e artë, për të votuar një djalë që bën krenar çdonjërin prej nesh, prandaj ju ftoj të votoni Albert Mëlyshin, si vlerën më përfaqësuese të asaj krahine fisnike.
Eduart Ndocaj.
