Përmes një video-komunikimi, ish deputeti lezhian Eduart Ndocaj, ka analizuar aktualitetin politike në vend, si dhe ka komentuar protestën e datës 7 korrik të mbajtur nga Sali Berisha dhe të mbështetur nga numër i madh qytetarësh.
Ndocaj, nënvizoi se shqiptarët kanë ende një probem thelbsësor që lidhet me konceptimin e protestave, pasi nervi dhe reagimi shoqëror ndaj problematikave dhe varfërimit nuk duhet të presë organizimin politik të protestës, por qytetarët duhet të ngrihen hovshëm dhe furishëm ndaj qeverisjes dhe politikave varfëruese dhe shpopuluese të saj.
Sipas ish deputetit, shqiptarët pas 3 dekadave, ende duan politikën që t‘u paraprijë në gjithcka, ndaj dhe është rritur shkalla e korrupsionit në cdo qelizë dhe për pasojë kemi të njëjtën klasë poitike që drejton prej 30 vitesh.
Ish deputeti “kaubojs“, në analizën e tij thekson se shqiptarët e kanë të vështirë të shkëputen nga politika, pasi i shohin liderët e tyre me adhurimin e idhujvë dhe të perëndive, duke dëshmuar një lloj provincializmi dhe primitivizmi të padenjë për një shoqëri që aspiron për në BE.
Ne, si shoqëri kemi dy probleme madhore, nënvizon Ndocaj,- mungesa e memories afatgjatë dhe servilizmin si tipar të dukshëm, duke bërë që sjellja ndaj drejtuesve të karakterizohet me elozhe dhe jo me opinione dhe vlerësime objektive, të cilat do të ishin një barometër i duhur i adresimit të votës sipas meritave dhe vlerësimit të premtimeve.
Për më shumë ndiqni video-komunikimin e ish-deputetit Ndocaj:
