Bashkia e Fushë-Arrëzit është e angazhuar me të gjitha forcat për mbajtjen hapur të rrugëve që lidhin njësitë administrative me qendrën e bashkisë, si dhe po punohet intensivisht për mbajtjen nën kontroll të situatës me qëllim që asnjë fshat të mos izolohet nga dëbora e rënë dhe që vazhdon të bjerë me intensitet. Aktualisht në Fushë-Arrëz ka 30 cm borë, ndërsa në Njësinë Administrative Iballe trashësia është mbi 50 cm.
Bashkia po punon me fadroma dhe mjete të tjera për pastrimin e rrugëve të brendëshme të Bashkisë, si dhe ka vënë në punë disa borëpastruese në aksin Bardhet dhe Iballe që janë dy njësitë më problematike.
Kryetari i bashkisë Fran Tuci konfirmon për “InfoPressAlbania” predispozicionin e administratës që ai drejton, për monitorimin dhe vlerësimin e situatës, duke i dhënë prioritet mbajtjes hapur të rrugëve, kryesisht ato nacionale dhe rrugët lidhëse të fshatrave me njësitë administrative. Tuci shprehet, se ai së bashku me një pjesë të stafit ndodhet në terren, duke mbikqyrur punën e fadromave dhe të mjeteve të tjera borëpastruese.
Shtabi i emergjencave civile nën drejtimin e kryetarit Fran Tuci po monitorn dhe ndjek me vëmendje të gjithë situatën e krijuar, por ndërkohë duhet nënvizuar se bashkia Fushë-Arrëz është me një shtrirje territoriale mjaft malore, dhe si e tillë, përkundrejt masave të marra nga shtabi i emergjencave civile pranë bashkisë, ajo mbetet bashkia më e vështirë sa i takon këtyre problematikave.
https://www.facebook.com/583363525062361/videos/386120652134202/
