Presidenti i SHBA Joe Biden, mbajti një fjalim para kombit për atë që ndodhi në Afganistan. Ai tha se situata u zhvillua më shpejt nga sa ishte parashikuar, por mbrojti vendimin e tij për tërheqjen e trupave amerikane.
“Trupat amerikane nuk mund dhe nuk duhet të luftojnë në një luftë dhe të vdesin në një luftë që forcat afgane nuk janë të gatshme të luftojnë për veten e tyre,” – tha Biden.
“Ne shpenzuam mbi 1 trilion dollarë. Ne trajnuam një forcë ushtarake afgane prej rreth 300 ushtarësh të fuqishëm, tepër të pajisur mirë. Një forcë më e madhe në madhësi se ushtritë e shumë prej aleatëve tanë të NATO-s. Ne u dhamë atyre çdo mjet që mund të kenë nevojë. Ne i paguam atyre pagat, u siguruam për mirëmbajtjen e forcës së tyre ajrore, diçka që talebanët nuk e kanë” – vazhdoi ai.
Biden tha se ishin udhëheqësit politikë të Afganistanit, ata që hoqën dorë dhe ikën nga vendi.
“Ne u dhamë atyre çdo shans për të përcaktuar të ardhmen e tyre. Ne nuk mund t’u sigurojmë atyre edhe vullnetin për të luftuar për të ardhmen. Ka disa njësi dhe ushtarë të forcave speciale afgane shumë të guximshme dhe të afta, por nëse Afganistani nuk është në gjendje të bëjë një rezistencë të vërtetë ndaj talebanëve tani, nuk ka asnjë shans që një vit tjetër, 5 vjet të tjerë ose 20 vjet më shumë çizme ushtarake amerikane në terren do të kishin bërë ndonjë ndryshim “.
Gjthashtu, Presidenti tha se ai beson se; “është e gabuar të urdhërosh trupat amerikane të vriten kur forcat e armatosura të Afganistanit nuk do ta bënin”.
“Unë jam President i Shteteve të Bashkuara të Amerikës dhe vendimi më takon mua. Jam shumë i trishtuar nga faktet me të cilat përballemi tani. Por nuk jam penduar për vendimin tim për t’i dhënë fund luftës së Amerikës në Afganistan” – u shpreh Presidenti.
