Deklarata e Yuri Kim pas takimit me Bashën në selinë e Partisë Demokratike tregon se ajo ka marrë leksionin më të madh në fushën e diplomacisë dhe politikës dhe të drejtës juridike ndërkombëtare.
Kim ishte nervoze, jasht kontrollit e zhgënjyer nga takimi me kryetarin e Partisë Demokratike.
Të gjithë prisnim nga takimi që Kim, të dilte në një deklaratë në mbështetje të raportit OSBE ODIHR që denonconte vjedhjen e zgjedhjeve nga Rama.
Por ajo kishte shkuar për diçka tjetër në selinë e PD. Kuptohet për t’u pritur nga Basha, ajo ka përdorur një strategji të djallëzuar. Tema e takimit do të ishte “zgjedhjet e fundit” në Shqipëri.
Përndryshe ajo nuk do të pritej. Por qëllimi ishte tjetër siç e tregon gazetari Andi Bushati: “Deklarata e Yuri Kim nuk ishte një surprizë. Mua vetë ma kishte thënë një rilindas i rangut të lartë se kjo do të ndodhte. Por ai më pati përcaktuar si datë fundin e gushtit. Ambasadorja u tregua me e devotshme se ç’e kishte imagjinuar ai”.
Fakti se ajo doli me deklaratë nervoze dhe kërcënuese e gatuar në zyrat e partisë socialiste tregon se Basha i ka dhënë një leksion demokracie.
Berisha është zgjedhur me vota të lira dhe përderisa nuk ka asnjë akuzë, apo dënim përfundimtar nga gjykatat kombëtare dhe ndërkombëtare, është e drejta e tij të ulet në parlamentin shqiptar.
Nëse Berisha do të ishte i akuzuar nga gjykatat, ai gjithashtu ka të drejtë të ketë një proçes të denjë me mbrojtje avokatie kundër akuzave, që deri në vendimin e shkallës së fundit ai është i pafajshëm.
Por, nëse është i fajshëm të marrë dënimin e merituar.
Megjithatë si mund të përdoret shprehja nga ambasadorja e SHBA, vendit më demokratik dhe mbrojtësja e lirive themelore të njeriut në botë zj. Yuri Kim: “do të ishte një ironi historike por edhe tragjedi për vendin, jo vetëm për partinë nëse partia do të hante bar për interesat personale të një njeriu”.
Kjo është deklarata më e rëndë që ka bërë ndonjëherë një diplomate në historinë e diplomacisë botërore.
Fakti se edhe deklarata e saj nuk ishte e përbashkët me Bashën tregon se ajo ka marrë një përgjigje të merituar duke e konsideruar si një zëdhënëse e Partisë Socialiste pa licencë dhe aspak në rolin e një diplomate, qoftë edhe mediokër.
Edhe nga komentet që merr “zëdhënësja” e Partisë Socialiste në faqen e Ambasadës Amerikane, tregon se ajo është në rënie të lirë të besueshmërisë së saj nga shqiptarët dhe sipas mejet, nuk ka aspak më forcë dhe autoritet të ngrihet në rolin që i ka besuar DASH.
Nëse që me ardhjen e saj Narkoshteti i Ramës është forcuar me një intensitet eksponencial dhe dështimi i saj është i dukshëm, sipas mejet “diplomatja” Kim, po mendon idenë e largimit nga Shqipëria.
Nëse nuk e ka menduar, tani është momenti.
