Ish-deputeti Eduart Ndocaj, edhe pse i fokusuar më së shumti me biznesin dhe me kualifikimin e tij profesional, ku para pak ditësh u diplomua në shkenca inxhinierike, vazhdon të jetë aktiv në sferën e politikbërjes, ku në cilësinë e sekretarit të përgjithshëm të Aleancës Demokristiane, krijon ura komunikimi me miq të politikës italiane, me të cilët angazhohet në bashkëpunime bilaterale dhe të frytshme që garantojnë vijimësinë e marrëdhënieve të fqinjësisë së mirë dhe të partneritetit strategjik.
Së fundi, Ndocaj, pati një takim me këshilltaren e krahinës së Lombardisë, dokt. Claudia Carzeri, përfaqësuese e “Forca Italia”-s, ku në fokus të takimit ishte biznesi dhe integrimi i shqiptarëve në ekonominë italiane, dhe veçanërisht në krahinën e Lombardisë, ku mbi 30 mijë biznese shqiptare kanë aktivitetin e tyre.
Kontributi i z. Ndocaj në krijimin e urave të bashkëpunimit dhe në hartimin e politikave të përbashkëta në dobi të komunitetit shqiptar që jeton dhe punon në Itali, është mjaft i madh dhe ka rezultate të shkëlqyera, pasi shpeshherë disa iniciativa që lehtësojnë veprimtarinë e emigrantëve shqiptarë kanë drejtpërdrejt ndikimin e lobimit të tij dhe po japin një rezultat të madh në integrimin e shqiptarëve.
