Një djalosh 22-vjeçar nga India vuan nga një problem i çuditshëm shëndetësor, të cilin nuk kanë mundur ta shpjegojnë plotësisht as mjekët. Ai kishte shkuar në spital pasi gjaku kishte filluar t’i rridhte nga sytë. Sidoqoftë, mjekët i thanë se kjo nuk është diçka serioze.
Rrjedhja e gjakut nga sytë në mjekësi njihet si “haemolacria” dhe shkaktohet nga faktorë të ndryshëm. Sidoqoftë, në rastin e të riut indian mjekët nuk kanë mundur ta gjejnë shkaktarin e vërtetë të kësaj gjendjeje. “Hemolakria është gjendja kur pacientit i rrjedh gjak nga sytë. Kjo është simptomë e disa sëmundjeve”, thotë mjeku Robert James.
Djaloshi iu nënshtrua shumë kontrolleve dhe analizave mjekësore. Sipas rezultateve, ai nuk ka problem me mëlçinë dhe nuk kishte shenja të gjakderdhjes së brendshme. Mjekët e përjashtuan edhe mundësinë e sëmundjes së trashëguar të Willerbrandit, prandaj shkaku i sëmundjes mbeti i pasqaruar.
Sidoqoftë, në të shumtën e rasteve kjo gjendje shkaktohet nga infektimet e syrit, lëndimet e fytyrës, të enjturat, tumoret e syrit, rrjedha e gjakut nga hundët apo çrregullimet në qarkullimin e gjakut. Sipas mjekëve, gjendja shëndetësore e këtyre pacientëve nuk është aq serioze sa mund të duket nga jashtë, shkruan “Daily Mail”.
