Nga Sonila Tanku-Daiu, kandidate e PD, qarku Elbasan
Sot 23 prill… Na ndajnë vetëm dy ditë nga momenti vendimtar për shqiptarët dhe Shqipërinë. Gjatë kësaj fushate, secili ka reflektuar mbi të tashmen e të ardhmen e tij, mbi kontributin ose mungesën e tij nga secila forcë politike në vend, e mbi të gjitha për atë çka i duhet pas 25 prillit.
Kjo është një thirrje e fundit për të votuar, e për të votuar për ndryshimin. Partia Demokratike ka treguar ndër vite se ka qenë gjithnjë afër qytetarëve dhe në mbështetje të interesave të tyre. Me besimin dhe votën tuaj, do kemi mundësi të bëjmë më shumë. Kur t’i drejtoheni qendrave të votimit, mendoni për programin për sistemin arsimor që në këto vite ka bërë hapa pas. Mendoni për të rinjtë që gjenden mes papunësisë, pamundësisë dhe dëshirës për të ikur sa më parë nga ky vend. Mendoni për punësimin dhe bizneset e vogla të lëna në harrim. Mendoni për diskriminim gjinor dhe mungesën e politikave për mbështetjen e grave dhe vajzave. Dhe kujtoni se të gjitha këto e më shumë mund të ndryshojnë, dhe do ndryshojnë me Partinë Demokratike.
Më 25 prill votoni për ju, për fëmijët tuaj, për të ardhmen e këtij vendi, votoni për ndryshimin. Fuqia dhe zgjedhja është e juaja!
Voto ? Nr 9
