Nga Dritan SHANO
Sot bota çdo ditë po gjymtohet nga llogoret politike, nga përforcimi i “identitetit politik” ku njerëzit bashkojnë frustrimin, ndarjen, dallimin e tyre nga të tjerët, dhe jo ngjashmërinë e destinin e përbashkët. Kjo është sëmundja e kohës sonë e cila po tenton të dominojë botën perëndimore.
Në vende si Shqipëria ku lufta e klasave nuk ka mbaruar asnjëherë, qëndrimi në llogore politike është ende një akt i natyrshëm. Pjesëmarrja në politikë ende sheh si finale futjen në Llogore për t’u ndarë e izoluar nga njeri tjetri dhe jo daljen në shesh të hapur për të parë, ushqyer dhe ndërtuar atë që na bashkon.
Suksesi i llogores politike është i madh sa më primitive është shoqëria. Mendoj se ky sukses mbështet tek “lufta” ndaj ekonomisë, pronës private, ideve duke ruajtur me çdo formë e mënyre kulturën se është më prestigjioze, dhe me më tepër fitim të punosh në administratën publike e cila është nën kontrollin dhe inventarin e plotë të shefave të llogores politike sesa në tregun privat, ku suksesin e përcakton dobia e biznesit tënd për konsumatorin.
Pra, Partia mbi Shqipërinë. Ose, bishti më i rëndë se sqepari
