Ndoqa me aq ngashërim ecurinë e kërkimeve të 33- vjeçarit që u fut mes flakëve dhe deri në momentin e fundit kisha një fije shprese. Por si i thonë fjalës zoti njerëzit e mirë i do pranë vetes. E kam të pa mundur të shprehem ftohtë, ndjenjat janë mbi profesionin.
Shqipëria sot humbi një djalë, një djalë që përfaqësonte rininë shqiptare, një djalë që duhet të jetë shembull i shoqërisë.
Sot nëna humbi një bir dhe dhimbja e saj duhet t’ju shërbejë të gjitha nënave për të rritur djem të denjë.
Veç dikush me zemër të bardhë do të kryente vetëflijim dhe kjo tregon se PO, Shqipëria ka ende njerëz të mirë.
Mos u ktheni në robotë e maniakë të së mirave materiale, por bëni një veprim human për komunitetin, shoqërinë, ambjentin, të ardhmen, të tjerët. Nuk po ju themi të vetëflijoheni, por hapni zemrën dhe veproni me fuqinë e saj.
Të shërbejë sakrifica e këtij djali si shembull dhe identitet për shqiptarët. Hiqni dorë nga nga të vepruarit në mënyrë egoiste dhe qetësoni shpirtin e ndërgjegjen nga flakët e realitetit duke bërë vepra të mira.
Arjani sot na dha një shuplakë të gjithëve, Arjani sot na preku zemrat.
Por sot më shumë se kurrë ndihem krenare ti them botës që PO, këta janë shqiptarët, këta janë heronjtë….! (E.D)/InfoPressAlbania/
