Nga Dritan SHANO
Kur sheh Kushtetutën, Kodin Zgjedhor në vitin 2021, nuk mund të mos të bjerë në sy se në vend që qytetari shqiptar të qëndronte, siç i takon, mbi supet e qeverisë apo partisë, ai qëndron nën këmbët e tyre.
Kjo duhet ndryshuar që ne, shqiptarët, të shkëputemi nga tribalizmi mendor dhe feudalizmi politik, social dhe ekonomik.
Ky kombinacion politik, social dhe për rrjedhojë ekonomik, ka çuar në vetëdijen e çdo qytetari se vota e tij nuk bën një lek; për këtë arsye ta shesës përkundër çfarëdo pagese votën që nuk bën një lek konsiderohet një akt zgjuarsie; kurrsesi një akt me burimin tek varfëria.
Ky pranim pa fjalë i kësaj gjendje politike, shoqërore, e për rrjedhojë ekonomike ndoshta i ka rrënjët tek togfjalëshat Nëna Parti, Partia mbi të gjitha, Çdo populli bën Partia, ç’thotë Partia bën populli, e ndoshta edhe më thellë në histori …. tek transferimi i përgjegjësisë konkrete individuale tek subjekte abstrakte që nuk mbajnë përgjegjësi, si veprim i parë dhe jo i fundit – një veprim prej skllavi të lirë, por jo prej njeriu të lirë.
