Ledi PAPA, zëdhënëse shtypi pranë PLL
Partia Levizja e Legalitet përshëndet reagimin programor të PD si subjekt politik i koalicionit ALEANCA PER NDRYSHIM, në lidhje me çeshtjen e pronës ku qartësisht kërkohet ndjesë edhe në lidhje me moskthimin e pronave pronarit të ligjshëm deri më sot.
“Një ndjesë pronarëve, në emër të Partisë Demokratike për vonesat, problemet me të cilat jeni hasur në rrugën tuaj, në kalvarin 30-vjeçar edhe për shkak të përgjegjësive tona të papërfunduara”
Për PLL.
Nëse komunizmi erdhi me konfiskim pronash, demokracia duhet të vinte me rikthimin e tyre tek pronarët e ligjshëm.
Partia Lëvizja e Legalitetit ka qenë dhe mbetet gjithmonë pro kthimit të pronës tek pronarët e ligjshëm, sepse për ne tek prona buron shteti i së drejtës dhe e drejta e pronës eshtë një prej të drejtave themelore të njeriut.
PLL është pro abrogimit të ligjit aktual të pronave si dhe të ligjit 7501 !
Pa të drejtën e pronës nuk ka demokraci, investim serioz e zhvillim në Shqipëri.
Moskthimi i pronës pjell krim, korrupsion dhe lë shteg për çdo abuzim tjetër.
Kjo pikë programore për PLL nuk ka qenë thjeshtë për votë dhe përfitim politik, si dhe ka ndodhur, por ka qenë një kërkesë e vazhdueshme e cila buron nga filozofia zogiste se prona eshtë një e drejtë themelore e atij që e posedon atë dhe në thelb të shtetit të së drejtës qendron e drejta e pronës.
