Në kuadër të situatës së krijuar nga Covid 19 një ndër vendimet e marra këtë të mërkurë nga Komitenti Teknik i Ekspertëve ishte vijimi i mësimit online në shtatë bashkitë më të rrezikuara për përhapjen e koronavriusit.
Ministrja e Shëndetësisë Ogerta Manastirliu në deklaratën e saj për mediat bëri me dija se mësimi online do të vazhdojë në shkollat e mesme në bashkitë Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz.
Mësimi online në këto bashki do të aplikohet nesër deri më 26 shkurt.
Çfarë parashikohet në skenarin e tretë të mësimit në shkolla:
Mësimi zhvillohet vetëm në distancë, online me platformë të dedikuar akademi.al, në rast se situata e COVID-19 përkeqësohet shumë në nivel kombëtar, në nivel lokal ose në nivel shkolle.
Në këtë skenar shkolla do të hartojë orarin e shkollës për mësimin në distancë, online me platformë të dedikuar akademi.al.
Për të lehtësuar punën e mësuesit, në komunikimin online, klasat me numër të madh nxënësish mund të ndahen me grupe ose mund të realizohet mësimi me të gjithë klasën nëse platforma online e krijon këtë mundësi.
Ora e mësimit do të jetë 25 minuta.
Mësimi zhvillohet me dy orë të njëpasnjëshme.
Për këtë skenar, udhëzimet për organizimin, udhëzimet metodologjike dhe udhëzimet për vlerësimin e nxënësit i gjeni në kapitujt përkatës në këtë udhëzues.
