Policia e Tiranës ka dhënë njoftimin zyrtar për zhdukjen e dy vajzave të mitura që u raportuan si të humbura.
Në njoftimin e bërë publik, thuhet se ishin prindërit ata që kanë denoncuar zhdukjen e vajzave të cilat janë shoqe së bashku.
Denoncimi është bërë në datën 1 Janar, dy ditë më parë. Menjëherë policia ka nisur kërkimet për dy vajzat 16-vjeçare.
Njoftimi i policisë:
Më datë 01.01.2021, shtetasja A. A dhe shtetasi L. H, kallëzojnë se janë larguar nga banesa dhe nuk janë kthyer vajzat e tyre të mitura 16-vjeçare, shoqe me njëra-tjetrën.
U bë shpallja në kërkim dhe punohet për gjetjen e tyre.
Materialet do ti kalojnë Prokurorisë pranë Gjykatës së Shkallës Parë Tiranë, për veprime të mëtejshme.
