Kryeministri Rama nuk do të jetë sot i pranishëm në seancën plenare të Kuvendit pasi ka udhëtuar drejt Emirateve të Bashkuara Arabe.
Kreu i grupit parlamentar të PS, Taulant Balla tha gjatë fjalës së tij në Kuvend se kryeministri ndodhet në Emiratet e Bashkuara për të finalizuar një nga marrëveshjet më të mëdha të procesit të rindërtimit. Por Balla nuk dha detaje lidhur me marrëveshjen që do të përmbyllë kryeministri.
Nga ana tjetër, ish-kryeministri Berisha, para nisjes së seancës në Kuvend, akuzoi kryeministrin Rama se kishte shpenzuar 200 mijë euro nga buxheti për këtë udhëtim pasi ishte bërë me një avion në dispozicion për linjat tregtare.
Ish-kryeministri hedh dyshimet se Rama mund të ketë shkuar në Emiratet e Bashkuara për tu vaksinuar kundër COVID-19.
“Miq, burime nga Rinasi informojne se sot Edvin Hajduti eshte nisur me avion ne dispozicion per ne Emirate te Bashkuara Arabe. Nuk dihet qellimi i ketij udhetimi te fshehte dhe pikerisht ne 1 vjetorin e termetit qe goditi rende vendin tone. Flitet se vaksinimi anticovid mund te jete arsyeja kryesore e ketij udhetimi blic pasi thuhet se neser do kthehet ne Tirane. Miq, pavaresisht nga arsyeja e ketij udhetimi blic, une denoj me ashpersine me te madhe perdorimin nga Edvin Hajduti te avionit ne dispozicion ne vend te linjave tregtare. Nje udhetim me avion te madh si ky i Edvinit ne dispozicion per ne Abu Dabi shkon te pakten 200 mije euro ne nje kohe kur ne spitalet covid vdesin te semure per mungese oksigjeni”, shkruan Berisha.
