Kreu demokrat, Lulzim Basha, tha se Edi Rama ka frikë nga zgjedhjet, madje edhe brenda partisë së tij. Rama tha se Partia Socialiste është kalcifikuar dhe është kthyer në një grup njerëzish që e kanë mendjen të vjedhin dhe të mashtrojnë.
“Rama ka frikë nga zgjedhjet, ai nuk bën zgjedhje në partinë e tij, pasi e di që është pakicë edhe brenda vetë socialistëve.
Ne kemi zgjedhur një model të ri, kemi vendosur të dëgjojmë anëtarësinë dhe është kjo e fundit që dikton vendimmarrjen.
Edi Rama shtyu me 1 vit zgjedhjen e Kryesisë së re, pasi kishte hallin se i ikte Vangjush Dako, emri i të cilit është në listën e zezë të Departamentit amerikan të Shtetit”, tha Basha.
Ai shtoi se Edi Rama është vendosur në një kurs përplasjeje me shqiptarët dhe ai është gati të bëjë gjithçka për pushtetin e tij.
“Nuk ka formulë në Botë që ta shpëtojë nga humbja, ndërsa po sakrifikon integrimin dhe paratë e shqiptarëve. Nuk do ia dali dot”, tha Basha, duke shtuar se ai do të marri një përgjigje ekzemplare nga shqiptarët.
