Akademia Suedeze ka ndarë çmimin Nobel në Letërsi për vitin 2020. Këtë vit, çmimi i është dhënë shkrimtares amerikane Louise Glück. Glück ka marrë çmimin Nobel me motivacionin ” për zërin e saj të pagabueshëm poetik që me një bukuri të rreptë e bën ekzistencën individuale universale “.
”Çmimi e befasoi poeten por ishte shumë e lumtur njëkohësisht”, tha sekretari i Akademisë suedeze të Shkencave, Mats Malm, disa minuta pasi telefonoi poeten amerikane. Autorja shpesh frymëzohet nga përvojat personale duke hyrë në rangun e poeteve autobiografike. Louise Glück ka lindur në New York në vitin 1943 dhe është rritur në Long Island. Ajo është autore e dhjetëra librave dhe fituese e po aq çmimeve. Glück është fituesja e 16- të femër e Nobelit në Letërsi dhe e dyta në Amerikë që nderohet me këtë çmim pas autores Toni Morrison.
Shkrimtari shqiptar Ismail Kadare sërish nuk ka mundur të fitojë, pavarësisht se ishte i nominuar për këtë çmim.
