Ish-deputeti Eduart Ndocaj, përmes një publikimi në profilin e tij facebook, ka shprehur mbështetjen e hapur për një nga përfaqësuesit e listave për këshillat komunale në zgjedhjet e datës 20-21 shtator që do të mbahen në vendin fqinj të Italisë.
Përmes kësaj mbështetjeje, ne mësojmë se në këto lista ka kandidatë shqiptarë, ku njëri prej tyre është Pal Perleka, që sipas ish-deputetit, është një figurë me mjaft reputacion në Friuli, aty ku ai kandidon për këshilltar komune.
Ndocaj, këtë mbështetje të hapur, e ofron jo vetëm për lidhjen e tij familjare që ka me z. Perleka, (që sic mësojmë është nip tek Perlekaj e Rubikut), por janë ndjenjat e “kaubojsit” pro të djathtës, që i imponojnë një mëbshtetje kaq aktive për të djathtën italiane.
Nuk është hera e parë që ish-deputeti shfaqet publikisht në mbështetje të kandidatëve të djathtë në Itali. Para ca kohësh ai u pa në shoqërinë e liderit të së djathtës italiane, Matteo Salvini, duke ofruar mbështetje në komunitetet shqiptare.
Ja statusi i kaubojsit:
FITORE PAL PERLEKA, KANDIDATI I SË DJATHTËS ITALIANE
Ndjehem krenar që jam nip Perlekajsh nga Rrubiku qyteti i floririt, ndjehem krenar për kandidimin e Pal Perleka si një Shqiptar i ndershëm, si një kryefamiljar i jashtezakoshëm, si një prind për t’u pasë zili dhe si një i djathtë me vlera te larta.
Te mbeshtesish dajën është detyrim moral, po kur daja është njeri më plot vlera pozitive më ben akoma më krenar për të dhe atë që perfaqëson. Fitore Pal Perleka dhe e djathta Italiane kunder monstrave komuniste dhe hajdudeve 5yjeve.
FITORE PAL PERKEKA.
ADK MBESHTET TE DJATHTEN ITALIANE
