Nga Paulin Marku, ish- kryetar i PD, Lezhë
Si banor i Kallmetit, jashtë çdo qëndrimi politik, por si prind ,baba i tre fëmijëve , ju drejtohem ju, se jeni një njeri i pafalshëm, në zakon e traditë,në qytetari e dhimbje njërzore, që caktoni nënën e tij si fajtore të vdekjes së djalit 10 vjeçar nga fshati im i lindjes Kallmet.
Nëse je rritur i përkëdhelur apo i llastuar,pa ndjenjë familjare, njerzore dhe prindërore, ky nuk është faji i familjes së viktimës, por i joti si njeri, që je kthyer në një person i pangopur pasurish ,pronash e parash të pista dhe me këtë rast ke humbur edhe atë që është e shenjtë për çdo familje dhimbjen për fëmijët.
Unë me këtë rast i drejtohem Këshillit Bashkiak Lezhë, Qarkut Lezhë, Bashkisë Lezhë ,Prefekturës ,Njësisë Administrative Kallmet, që ky mostër i pashpirtë të jetë “person non grata” për Bashkinë Lezhë.
Që je një hajdut i klasit të parë, këtë të gjithë shqiptarët e dinë mjaft mirë, por që je edhe kaq mizor sa të rëndosh e të copëtosh shpirtin e një nënë që sheh të birin të gjakosur nga punonjës të papërgjegjshëm, që punën shtetërore e kanë kthyer në biznes ,si të gjithë ju pushtetarët e pangopur, kjo është e pafalshme.
Nuk do ja uroja askujt një ngjarje të tillë,as armikut më të madh që mund të kemi, por ti e meriton një ndëshkim dhe mallkim nga Zoti, që të shohësh me sytë tuaj dhimbjen, lotët e një nënë ,kur futë në dheun e tokës një foshnje 10 vjeçare ,të rritur me mundë e sakrifica, si shumë familje shqiptare prej 30 viteve në emigrim.
Turp e mekat që jeni kthyer në njerëz kaq antinjerzor, ku nuk vlerësoni, dhimbjen, hallet, lotët, mundin, sacrificën ,por vetëm e keni mendjen tek pasuria e paraja.
Asgjë nuk do merrni me vete në atë jetë ,këtu do i lini, vetëm turpin dhe korinë keni trashëgimi të kësaj jete.
Kallmeti nuk ta fal!
