Një valë transferimesh ka nisur në Burgjet e Tiranës, por më pas janë anuluar. Më datën 28 korrik ka mbërritur nga Drejtoria e Përgjithsme e Burgjeve një urdhër transferimi për të gjitha operatoret e Burgjeve të Tiranës, por dy ditë më pas ku, pikërisht ditën e sotme ky urdhër transferimi është anuluar.
Këto veprime kanë çorinetuar punën e opetaoreve në sigurinë e Burgjeve. Bëhet e ditur se, këto urdhër transferimesh janë bërë pa asnjë motiv, gjoja me prektkstin “kanë shumë vite në vendet e tyre të punës”.
Sipas burimeve, gjithçka nisi sipas një skenari nga drejtori i Policisë së Burgjeve, Enver Levani. Në datën 27 maj operatorët e burgjeve të Tiranës thirren nga Drejtoria e Përgjithshme e Burgjeve për një trajnim të radhës, por në fakt punonjëst nuk ishin thirrur për trajnim, por në një takim me drejtorin e Policisë së Burgjeve, Enver Levani, i sapo emëruar në atë kohë. Gjatë këtij takimi operatorët kërcënohen nga drejtoi Levani me vendet e punës, me dhunë psikologjike deri ne flakjen në rrugë. Punonjëset janë fyer dhe janë trajtuar si të paafta në punën e tyre me eksperiencë.
Po ashtu, në një nga trajnimet e thirrura nga sektori i komunikimit elektronik në DPB nga shefi i sektorit të tyre, Ilir Çuni, operatoret janë trysnuar me kërcënimin se “do ju lëviz nga vendet e punës sepse jeni mykur në ato institucione”.
Operatoret kanë reaguar pranë drejtorit të Përgjitthshëm, Agim Ismaili dhe u la në heshtje transferimi i tyre për rreth dy muaj. Por në dt 28/07/2020 në burgjet e Tiranës vjen urdhër transferimi i operatoreve me motivacionin, “kanë shumë vite në vendet e tyre të punës”, motivacioni i transferimit është i pa bazuar në ligj.
Në dt 30 korrik urdhër transferimi i operatoreve të burgjeve të Tiranës anullohet. Lind pyetja, cila është arsyeja e vërtetë që fshihet pas transferimeve të paligjshme, pa miratimin e punonjesve siç është përcaktuar në ligjin e Policisë së Burgjeve. Në ligjin e Policisë së Burgjeve thuhet se, “transferimi bëhet me pëlqimin e punonjësit të policisë”.
