Jemi mësuar shpesh ta shohim të ashpër në denoncimin e keqqeverisjes lokale dhe qendrore, por miqtë e tij të shumtë që e rrethojnë ish-deputetin Eduart Ndocaj, evidentojnë karakterin e tij romantik dhe modelojnë tek ai profilin e familjarit shembullor.
Këtë gjë, “kaubojsi” e dëshmon përmes urimeve që përcjell për secilin nga pjesëtarët e tij të familjes, ku sot ishte radha për nënën e tij të nderuar, së cilës Ndocaj i dedikon një mesazh urimi në përvejtorin e saj të lindjes.
Në mes rreshtave dedikues, Eduarti nuk heziton të shpreh ndjenjën e tij deri në adhurim për nënën që e rriti mes shumë mundimesh dhe sakrificash, për të cilën ndjehet krenar për mësimet dhe edukatën që ajo i mësoi, të cilat ishin shumë të vyera për Eduartin dhe që ishin celësi i suksesit të tij në jetë.
Ndocaj, me dashurinë e tij të pakufishme, me ‘llastimin” e birit që ende vazhdon të kridhet në prehërin e të ëmës, shprehet plot emocion në këtë përvjetor, duke e falënderuar për “për çdo sekondë të jetës tënde që më je dedikuar mua dhe do të lutem që këto sekonda të zgjasin sa më shumë“.
Mbyll urimin e tij me një shprehje që do ta dëshironte cdo nënë ta dëgjonte nga bijtë e saj: Ti je bekim për këdo që të ka pranë vetes
“E shtrenjta Nëna ime…gëzuar ditëlindjen! Të të them që je Nëna më e mira në botë, nuk do të bënte aspak çudi sepse cilado nënë e tillë është për fëmijën e saj. Të të them sa shumë të dua, edhe kjo është një gjë shumë normale, çdo fëmijë e do nënën e tij. Ajo që unë nuk do të rresht kurrë së bëri është të të falenderoj për çdo sekondë të jetës tënde që më je dedikuar mua dhe do të lutem që këto sekonda të zgjasin sa më shumë, sepse unë pa ty nuk do të isha ky që jam dhe jam e sigurt që për sa më shumë kohë të të kem pranë, aq më me vlerë do jenë ditët, muajt, jeta ime. Ti je bekim për këdo që të ka pranë vetes.urime urime Nënë.
