Nga Enada CIKO
Ka rracë fisnike qenësh që shpëtojnë jetën njerëzore, sikurse ka edhe plot qen të tjerë që janë sa të dashur po kaq edhe besnikë ndaj njeriut. Dhe ndërkaq ka edhe qen që nuk reshtin së lehuri kur shohin dhe nuhasin keqbërësin, të dyshuarin ose të padëshiruarin.
Kështu mendova atë çast kur pashë se si iu vërsulën qentë dhe nuk pushonin së lehuri, kur panë që aty pranë tyre po kalonte horri-kryeministër i Shqipërisë (Rama).
Ka kohë që ka rënë tërmeti shkatërrimtar që pati 51 viktima, pamjet janë akoma më tmerruese, njerëzit janë në qiell të hapur, akoma dhe në pikë të hallit si kurrë më parë në jetën e tyre, dhe akoma vazhdojnë show-t, batutat, bajate e banale, premtimet boshe, lotët e krokodilit, sharjet, gënjeshtrat, mashtrimet, abuzimet e pista politike e deri tek tepsitë dhe tehspijet, që fyejnë aq rëndë Shqipërinë e shqiptarët.
E ke zënë ”keq” me Median. Ok, ajo ka gjynahet, fajet, kusuret, sa më s’ka, dhe faji kryesor i saj është se gjithë këto vite ka lehur si ke dashur ti dhe sot që po të nxjerrë lakuriq ty, shtetin dhe qeverinë tënde prej kartoni, ti i je vërsulur asaj si Çakalli – prehës, se po e arreston, po e burgos dhe madje po e kërcënon publikisht deri edhe me mbyllje goje forcërisht nga ato të formës që ”s’jua rrok dot mendja” se ç’mund tu bësh.
Po pse ore i çmendur, Media ta ka fajin ty pse të lehin e s’të duan, deri edhe qentë e rrugëve ?Media ta ka fajin ty që sot të erdhi dita të kthehësh mbrapsht paratë e vjedhura shqiptarëve, që ke ndarë me oligarkët e me banditët e tu gjatë gjithë këtyre viteve. Media ta ka fajin ty që“akulloren” e lejove t’i vrasë shqiptarët vetëm e vetëm për të mbushur kasafortën tënde të babëzisë së pangopur kurrë?
Po pse more i rrjedhur nga trutë e kokës, Arben Ahmetaj -hajdutin ke vënë ne krye te administrimit e menaxhimit të kësaj situate ti. Pa kaluar kjo tragjedi ndodhi edhe tragjedia tjetër ku ti po ben dasem mo “baba Rama”, ardhja e koronavirusit në Shqipëri të solli ty dhe mace Ahmetaj një festë të majme me “korona ekstra”, duke vjedhur dhe duke fshehur të vërtetën e 100miljon
Në Shqipëri kanë vdekur deri tani 26 persona nga virusi thuhet, apo nga propoganda jote. Shqipëria mban një rekord negativ në Ballkan me numrin më të lartë të vdekjeve për 1 milion banorë, apo për çdo 100 të infektuar. Ne kemi gjithashtu numrin më të ulët të pacientëve që e kanë kaluar pa probleme sëmundjen nga 100 të prekur me COVID-19. Vetëm 63% prej tyre rezultojne te tille, ndërkohë që në të gjithë rajonin ky numër është më i lartë.
Por kryeministri Edi Rama ka nxjerr një tjetër statistikë për të qenë optimist. Jo numrin e të vdekurve por atë të shëruarve për 1 milion banorë. Ore i rrjedhur, vertet i bën yzmet kesaj lloj mendje ti? Kë të arrestojmë?-iu thua shqiptareve.
Ti i pari ,o zoteria me tehspije që të lehin e s’te duan më, jo shqiptarët, por as qentë e rrugës. Po arreston, burgos dhe kercënon median dhe gazetarët dhe po kërkon të vrasësh fjalën e lirë. Por meqenëse ra fjala për panik, per mashtrime, për shtrembërime, keqinformime , sharje, përbuzje, tallje e fyerje, je ti.
Nuk po them gjë më shumë, por po ta ripërsëris këtë herë ato që kanë kohë që po të mbajnë ty padrejtësisht në pushtet, vendosën ta nxjerrin Mbretin lakuriq, ku ti edhe pse je mësuar me lakuriqësinë tënde banale, duket se kesaj here dole cullak fare.
Ndaj mblidh zagarët e tu që të kanë dalë jashtëkontrollit o Edvin dhe lëri qentë rehat të lehin se edhe atyre ju ka ardhur aty ku s’mban më, prej teje dhe prej banditëve të tu.
